Tabora yatumia tani 8000 za mbolea msimu wa kilimo 2022/2023

Mkuu wa Mkoa wa Tabora, Balozi Dkt. Batilda S.Burian akimsikiliza Mwenyekiti wa Kamati ya Ruzuku wa Mamlaka ya Udhibiti wa Mbolea Tanzania (TFRA), Louis Kasera akieleza mikakati ya Mamlaka kuhakikisha tarehe mosi Julai wakulima wanaanza kununua mbolea katika maeneo yao ikiwa ni maandalizi ya msimu wa kilimo 2023/2024

Mkuu wa Mkoa wa Tabora, Balozi Dkt. Batilda S.Burian (kulia) akiagana na Mwenyekiti wa Kamati ya Ruzuku wa Mamlaka ya Udhibiti wa Mbolea Tanzania (TFRA), Louis Kasera mara baada ya kumaliza kikao baina yake na timu ya Mamlaka iliyofika kueleza mikakati ya kuhakikisha tarehe mosi Julai wakulima wanaanza kununua mbolea katika maeneo yao ikiwa ni maandalizi ya msimu wa kilimo 2023/2024

Mwenyekiti wa Kamati ya Ruzuku wa Mamlaka ya Udhibiti wa Mbolea Tanzania (TFRA) Louis Kasera akizungumza jambo katika kikao baina ya Mamlaka na Wakuu wa Idara za Kilimo, Mifugo na Uvuvi, maafisa kilimo na viongozi wa vyama vya ushirika vya mkoa wa Tabora

Mkuu wa Mkoa wa Tabora, Balozi Dkt. Batilda S.Burian (wa tatu kutoka kushoto) akiwa katika picha na timu ya wataalam kutoka Mamlaka ya Udhibiti wa Mbolea Tanzania (TFRA), waliofika kueleza mikakati ya Mamlaka kuhakikisha tarehe mosi Julai wakulima wanaanza kununua mbolea katika maeneo yao ikiwa ni maandalizi ya msimu wa kilimo 2023/2024. Kushoto kwake kwake ni Mwenyekiti wa Kamati ya Ruzuku kutoka TFRA Louis Kasera

Kaimu Meneja wa Mamlaka ya udhibiti wa Mbolea Tanzania (TFRA), Kanda ya Kati, Joshua Ng'ondya akitoa mada kwa Wakuu wa Idara za Kilimo, Mifugo na Uvuvi, Maafisa Ugani na viongozi wa vyama vya ushirika wa Mkoa wa Tabora ( hawapo pichani) katika kikao kilichofanyika ukumbi wa Mkoa wa Tabora tarehe 30 Mei, 2023

Na Mwandishi wetu Tabora 

Imeelezwa kuwa, Mkoa wa Tabora umetuma takribani tani 8,000 za mbolea kwa msimu wa kilimo 2022/2023 ambapo isingekuwa mbolea za mbolea kiasi hicho kisingefikiwa kutokana na bei ya mbolea kuwa juu kwenye soko la dunia.

Hayo yamebainishwa hivi karibuni na Mkuu wa Mkoa wa Tabora, Balozi Dkt. Batilda S. Burian alipokuwa akizungumza na ujumbe kutoka Mamlaka ya udhibiti wa Mbolea Tanzania (TFRA) ukiongozwa na Mwenyekiti wa Kamati ya Ruzuku, Louis Kasera ofisini kwake.

Balozi Dkt. Batilda amepongeza uamuzi wa Rais Dkt. Samia Suluhu Hassan wa kuinua Sekta ya Kilimo kwa kutoa ruzuku ya pembejeo pamoja na kuimarisha miundombinu ya umwagiliaji.

"Kusema kweli bila hiyo ruzuku kiwango hicho kisingefika na wakulima wengi wameweza kupunguza gharama kubwa sana wasingepata mbolea ya ruzuku gharama ingekuwa ni mara mbili" Balozi Dkt. Batilda aliongeza.

Ameeleza kuwa, mkoa wake umejipanga kuhakikisha wakulima wanahakikiwa na kusajili wakulima ambao walikuwa hawajasajiliwa kwa msimu wa kilimo unaoishia.

Balozi Dkt. Batilda ametoa wito kwa wakulima kujitokeza kujihakiki na wale ambao hawajasajiliwa wakasajiliwe maana muda ndio huu

"Niwaombe sana wananchi wa Tabora vitabu vipo mjitokeze mkahakiki taarifa zenu kwa kipindi hiki cha wiki moja ili kuweka takwimu zenu vizuri ili baadaye asianze kulalamika na wale ambao hamkusajiliwa muda ndio huu" Balozi Dkt. Batilda alisisitiza.  

Aidha, aliishukuru Wizara ya Kilimo pamoja na TFRA kwa kuanza maandalizi ya msimu ujao wa kilimo mapema na kueleza kuwa msimu unaoishia bado wengine hawajavuna hivyo wamepewa muda wa kutosha kujiandaa. 

Naye Happiness Nnko, Afisa Kilimo wa manispaa ya Tabora ameeleza kuwa mfumo wa ruzuku haubagui mazao wakulima wananufaika kwa mazao yote na wakulima watapata mbolea kwenye maeneo yao.

Happiness ameeleza kufurahishwa na maamuzi ya Serikali ya kuvihusisha vyama vya ushirika katika suala zima la usambazaji wa mbolea na kueleza uamuzi huo utasaidia sana katika kupunguza changamoto zilizojitokeza msimu uliopita wa kilimo ikiwemo ya wakulima kufuata mbolea maeneo ya mbali.