WADAU WA BARABARA MIKOA YA SINGIDA NA MANYARA WAFUNDWA

Wizara ya ujenzi kupitia idara yake ya usalama na mazingira (DSE) imewataka wadau wa barabara

nchini kuzingatia utunzaji wa mazingira ili kuzilinda barabara zinazojengwa na kuzifanya eneo

salama kwa watumiaji.

Hayo yamesemwa na Eng. Joram Mduda wakati wa ziara ya ukaguzi wa barabara za NorangaItigi Km 25 mkoani Singida, na Mbulu-Garibab Km 25 mkoani Manyara zinazojengwa kwa 

kiwango cha lami.

Katika ukaguzi huo wadau wa ujenzi wakiwemo wataalam kutoka Wakala wa barabara Tanzania 

(TANROADS), wamekumbushwa masuala mbalimbali kuhusu kuzingatia usalama na mazingira 

wanapojenga barabara.

Miongoni mwa maeneo yaliyokaguliwa ni kambi za wakandarasi na machimbo ya mawe na vifusi 

vya kujengea barabara ambapo uchimbaji wa malighafi katika maeneo hayo unaendelea kuzingatia 

taratibu za mazingira bila kusababisha athari kwa jamii.

Aidha, wataalam hao wamefanya tathmini ya utekelezaji wa mazingira na kutoa mafunzo ya 

uhimilivu wa miundombinu ya barabara inayohusiana na tabianchi, sheria, muundo na majukumu 

ya TANROADS.

Lengo la mafunzo hayo ni pamoja na kuleta athari chanya kwa wananchi na jamii kwa ujumla ili 

kuhakikisha maeneo ya machimbo ya malighafi yanawekwa salama wakati na baada ya kumaliza 

ujenzi wa mradi,pia kambi za wakandarasi kuhifadhi taka hatarishi zinazoweza kusababisha 

madhara kwa wananchi waliopo karibu na ujenzi wa barabara.

Mafunzo hayo kwa wadau wa barabara na ufuatiliaji ni ya mara kwa mara ambapo yanalenga 

kuhakikisha ujenzi wa miradi ya miundombinu ya barabara inatekelezwa kwa kuzingatia viwango 

vya kitaalam vinavyopaswa kuzingatiwa ili kulinda mazingira na kuepusha changamoto 

zinazoweza kuleta madhara kwa wananchi.