WANAFUNZI 17 WAFARIKI KWA UGONJWA WA UTI WA MGONGO.

Takriban wanafunzi 17 katika shule tano katika jimbo la Yobe kaskazini-mashariki mwa Nigeria wamefariki baada ya mlipuko wa homa ya uti wa mgongo, mamlaka imethibitisha.

 

Miongoni mwa waliofariki ni wanafunzi wa shule za msingi na wengine katika shule za upili za bweni, kamishna wa elimu wa serikali, Mohammed Sani-Idris, aliambia BBC.

 

Jumla ya kesi 473 zinazoshukiwa zimerekodiwa hadi sasa, alisema.

 

Homa ya uti wa mgongo ni maambukizi ambayo husababisha kuvimba kwa tabaka za nje za ubongo na uti wa mgongo. Inaweza kuhatarisha maisha isipokuwa kutambuliwa na kutibiwa mapema.

 

Chanjo ni njia bora ya kuzuia ugonjwa wa meningitis.

 

Kituo cha Kudhibiti na Kuzuia Magonjwa cha Nigeria (NCDC) kilikuwa mapema mwakani kilitoa ushauri wa afya ya umma kuhusu ugonjwa huo.

 

Ilionyesha kuwa msimu wa kiangazi unaweza "kuongeza hatari ya kuambukizwa, haswa na msongamano na uingizaji hewa duni".

 

Visa vingi vya ugonjwa huo nchini Nigeria vinaripotiwa katika kile kinachojulikana kama "Meningitis Belt," ambayo inashughulikia majimbo yote 19 katika eneo la kaskazini.

 

Septemba 2021 kulitokea mlipuko wa ugonjwa huo Nchini DRC na kuua zaidi ya watu 129 ambapo Tanzania kupitia Ofisi ya Mganga Mkuu ilitoa tahadhari kwa Wananchi na kueleza Homa hiyo inasababishwa na vimelea aina ya bakteria (Neisseria meningitidis) wanaoambukizwa kwa njia ya hewa au kukaa na mtu mwenye maambukizi na inaweza kuchukua Siku 2 hadi 10 tangu kuambukizwa hadi kuanza kuonesha dalili.