MBAPPE AZIDI KUWEKA HAI NDOTO YA PSG.

Mshambuliaji wa Paris St-Germain, Kylian Mbappe tayari anaweza kuchukuliwa kuwa mmoja wa wachezaji bora zaidi duniani akiwa ameshinda Kombe la Dunia na mataji matano ya Ligue 1.

Lakini Mfaransa huyo bado hajaisaidia klabu yake ya ya nyumbani kushinda taji ambalo daima limekuwa likiwakwepa - Ligi ya Mabingwa.

Siku ya Jumanne mchezaji huyo mwenye umri wa miaka 25 alifunga mabao mawili PSG walipowashinda mabingwa mara tano Barcelona kwa jumla ya mabao 6-4 na kutinga nusu fainali ya michuano hiyo mikubwa barani Ulaya, ambapo watamenyana na Borussia Dortmund.

Bao la kwanza lilitokana na penalti - iliyopigwa kwa utulivu baada ya Joao Cancelo kumwangusha Ousmane Dembele - kabla ya mpira kumfikia kwenye eneo la hatari dakika ya 89. Juhudi za kwanza za Mbappe zilizuiwa na Marc-Andre ter Stegen, lakini akapiga mpira uliorudi na kutinga wavuni na kumalizia usiku mzuri kwa PSG.

"Nina ndoto ya kushinda Ligi ya Mabingwa kwa Paris," Mbappe alisema.

"Ninajivunia kuwa PSG tangu siku ya kwanza. Sio kwa sababu kuna nyakati nzuri na mbaya ambazo fahari yangu inapata pigo. Fahari ya kuichezea klabu hii, ya kuwakilisha klabu ya mji mkuu wa nchi yangu, ni kitu maalum kwa ajili yangu niliyekulia huko.

"Kuwa na jioni kama hii kama Mchezaji wa Paris, ni vyema. Tuna hatua moja zaidi ya kufanya kabla ya kufika fainali huko Wembley, kwa hivyo tunahitaji kuwa watulivu."

Mabao hayo mawili yalifikisha mabao ya Mbappe hadi nane katika mechi 10 za Ligi ya Mabingwa msimu huu.

"Nadhani baadhi ya watu wanaonekana kama wamebarikiwa kutoka juu kwamba huu ni wakati wako na inahisi hivyo kwa Mbappe," mlinzi wa zamani wa Manchester United Rio Ferdinand alisema kwenye TNT Sports.

"Kwa bao lake la pili, hilo haliangukii mtu mwingine yeyote, lakini inaangukia kwake kwa sababu yeye ndiye mtu huyo."

Mbappe alitulia katika awamu ya kwanza ya mechi na hakufanya vyema hadi alipofunga bao dakika ya 61, lakini kocha wa PSG Luis Enrique alimsifu mshambuliaji wake kwa kudhibiti mchezo huo.

"Alikuwa kiongozi tangu mwanzo hadi mwisho, na timu inapohisi kuwa mchezaji muhimu kama yeye yuko tayari kuleta kila mtu pamoja naye, unaitumia vyema," Mhispania huyo alisema.

Mashabiki wa PSG wamekuwa wakimsubiri Mbappe kuwakabidhi kombe la Ligi ya Mabingwa Ulaya ambalo lilikuwa likitarajiwa na linalotarajiwa.

Kuna hata wale wanaoamini kwamba, ikiwa atashindwa kufanya hivyo, kazi yake huko Paris itachukuliwa kuwa haikufanikiwa huku kukiwa na mpango wa kuhamia Real Madrid msimu huu wa joto.

Matarajio kwa Mbappe ni makubwa.

Ni Cristiano Ronaldo pekee (mabao 23 katika mechi 39) amefunga mara nyingi zaidi ugenini katika raundi ya muondoano ya Ligi ya Mabingwa kuliko Mbappe (15 katika mechi12).

"Kutakuwa na muda katika mechi mbili [katika nusu-fainali] ambapo Mbappe atalazimika kuja mbele," alisema Ferdinand.

"Yuko katika kitengo cha ubora wa juu cha mchezaji."

Kwa hivyo inaweza kuwa wakati wa Mbappe na PSG?

Wakati PSG wako mbioni kutwaa taji la tatu mfululizo la Ligue 1 na sasa wamefika hatua ya nne bora barani Ulaya, haijawa rahisi kwa Mbappe.

Huu unatarajiwa kuwa msimu wake wa mwisho katika klabu yake ya nyumbani na kuhamia kwa miamba wa Uhispania Real msimu huu wa joto.

Mwezi Februari Mbappe alikutana na rais wa PSG Nasser Al-Khelaifi na kumwambia kuwa anaondoka na kujiunga na Real, ambapo atasaini mkataba wa miaka mitano, akipata euro 15m (41,216,563,520TZS) kwa msimu, pamoja na euro 150m (412,165,635,200TZS) bonasi ya kusainiwa kulipwa kwa miaka mitano.

Baadaye, Mbappe amekuwa ndani na nje ya timu, kwa kubadilishwa katika mechi tano kati ya sita zilizopita za ligi za PSG.

Licha ya hayo, bado amefanikiwa kufunga mabao 41 katika michezo 42 katika mashindano yote.

Wamiliki wa PSG Qatar Sports Investments hawajaficha lengo lao kuu la kushinda mashindano ya juu ya Ulaya, licha ya klabu hiyo ya Paris kushinda mataji tisa ya Ligue 1 tangu 2011.

Muda wa karibu zaidi kutwaa ubingwa wa Ligi ya Mabingwa ilikuwa mwaka wa 2020 walipotinga fainali lakini wakafungwa na Bayern Munich.

Tangu wakati huo kumekuwa na hali ya kukatisha tamaa ya kuondoka katika hatua ya 16 bora na maswali kuhusu iwapo timu hii ya PSG ina uwezo wa kupata matokeo katika ligi ya juu ya Ulaya.

Lakini Mbappe sasa amebaki na ushindi mara mbili tu kutoka kwa historia ya taaluma yake katika PSG.