Aliyekuwa mgombea urais wa chama cha Republican Nikki Haley amesema ana mpango wa kumpigia kura Donald Trump, mpinzani wake wa zamani na bosi wake, katika uchaguzi wa urais wa Marekani mwaka 2024.
Bi Haley, ambaye aliwahi kuwa balozi wa Bw Trump katika Umoja wa Mataifa, alikuwa wa mwisho kati ya wapinzani wake wakuu kujiondoa katika kinyang'anyiro cha mchujo wa chama, mapema mwezi Machi.
Wakati huo, hakumuidhinisha lakini alimsihi apate kura za mamilioni ya watu waliokuwa wamemuunga mkono.
Siku ya Jumatano, katika matamshi yake ya kwanza hadharani tangu aondoke kwenye kinyang'anyiro hicho, alisema Bw Trump "hajawa mkamilifu", lakini Rais Joe Biden "amekuwa janga".
Wapiga kura wa chama cha Republican wanaompinga Trump kwa kiasi kikubwa walikuwa nyuma ya azma ya Bi Haley kuwania urais mapema mwaka huu, na bado anaungwa mkono zaidi ya miezi miwili baada ya kuondoka kwenye kinyang'anyiro hicho.
Alishinda zaidi ya 20% ya kura katika takriban chaguzi mbili za awali za majimbo katika wiki mbili zilizopita.
No comments:
Post a Comment