Wito umetolewa kwa Watendaji walipo ngazi za halmashauri nchini kuhakikisha wanakusanya taarifa na takwimu za watu wenye ulemavu ili waingia katika mfumo wa utambuzi ili kurahisha utambulisho wao kwenye huduma mbalimbali.
Hatua hiyo inajiri baada wa uwepo wa changamoto kwa baadhi ya watu wenye ulemavu ikiwemo Viziwi kushindwa kuwa na mawasiliano mazuri na watoaji wa huduma za msingi.
Akizungumza kwa Niaba ya mkurugenzi wa kitengo cha watu wenye ulemavu wakati wa ufunguzi wa kongamano la ujumuishaji wa watu wenye ulemavu kwenye fursa za kiuchumi ,afisa Ustawi wa Jamii kutoka ofisi ya Waziri Mkuu,Sera,Bunge,Uratibu na Watu wenye ulemavu Bruno Mwakibibi amesema kuwa
Aidha ametoa rai kwa jamii kuendelea kuwaibua watu wenye ulemavu walipo kwenye jamii na kuhakikisha wanasajiliwa huku Viongozi wa serikali za mitaa wakitakiwa kuwajumuisha watu wenye ulemavu katika ushiriki wa shughuli za ujenzi wa taifa.
Kwa upande wake Mwenyekiti wa SHIVYAWATA mkoa wa Dodoma Mwl Omary Lubuva ameiomba serikali kuelekeza Viongozi wa serikali ngazi za mitaa na kata kuhakikisha wanatoa uelewa wa kutosha kwa watu wenye ulemavu kufahamu fursa zinazopatikana ikiwemo mikopo na lengo lake ili kuondoa dhana ya kuwakatisha tamaa baadhi ya walishindwa kupata mikopo hiyo licha ya kuomba katika ngazi za Halmashauri.
Awali akielezea lengo Mamlaka ya udhibiti wa Ununuzi wa umma PPRA kuwesha mafunzo hayo kwa makundi maalum Meneja uhusiano na mawasiliano Remija Salvatory amesema sheria inazitaka taasisi zote za serikali kuwezesha makundi maalum ikiwa ni utekelezaji sheria ya PPRA ya kutaka taasisi hizo kutenga asilimia 30 ya bajeti ya ununuzi wa umma kwa ajili ya makundi hayo ikiwemo Wanawake,Vijana ,Wazee na Watu wenye Ulemavu.
Remija amesema serikali imetanga zaidi ya trilioni 1 kwa ajili ya tenda kwa makundi maalum hivyo amewataka kujiunga na mfumo Nest ili kuweza kupata zabuni mbalimbali.
Amesema kundi la Watu wenye ulemavu wananafasi pana ya kuingia katika kila kundi hivyo ni wajibu wao kuchangamkia fursa hiyo ambayo ipo kwa mujibu wa sheria.
Nae Beatus Nzogela ni Afisa Masoko kutoka shirika la madini la taifa (STAMICO) amesisitiza umuhimu wa utimiaji wa nishati safi ya kupikia kwa makundi ya watu wenye ulemavu.
Ametaja fursa zilizopo STAMICO ambazo Watu wenye Ulemavu kupitia shirikisho lao la SHIVYAWATA wanaweza kuzichangamkia kwa makundi tofauti Hasa wachimbaji wadogo,shughuli za uchorongaji,Kuuza Mkaa rafiki Briquettes ikiwa ni Nishati safi ya kupikia,Makarasha ya Migodi
Amesema watu wenye ulemavu wanaweza kuwa mawakala wa kuuza mkaa huo ikiwa ni fursa ambapo STAMICO wameweka fursa kwao kuchangamkia fursa hiyo.
Pamoja na hayo ametoa pongezi kwa Rais wa Jamhuri ya Muungano wa Tanzania Dkt Samia Suluhu Hassan kwa Mchango mkubwa katika kuhakikisha STAMICO wanakuwa sehemu ya kufanikisha azma ya matumizi ya nishati safi ya kupikia nchini.
No comments:
Post a Comment