TANZANIA HAINA MPANGO WA KUTOA URAIA KWA WAKIMBIZI

Na Mwandishi Wetu,Dar es Salaam


Serikali ya Tanzania imeweka wazi Mpango wake wa kutoa Uraia kwa Wakimbizi wanaoishi katika kambi za Wakimbizi zilizopo hapa nchini huku ikiwataka wakimbizi hao kuwa tayari kurejea nchini Burundi ambako imehakikishiwa kurejea kwa Hali ya Amani na Utulivu.

Kauli hiyo imetolewa jijini Dar es Salaam na Waziri wa Mambo ya Ndani ya Nchi,George Simbachawene wakati wa Mkutano wa 26 wa Pande Tatu baina ya Tanzania,Burundi na Shirika la Kuhudumia Wakimbizi Duniani(UNHCR) uliohusu Urejeshaji Wakimbizi katika nchi yao ya Burundi.

“Serikali ya Tanzania inatambua kuwa wakimbizi walioko kambini wanadhani kuendelea kuishi Tanzania kwa muda mrefu kutawapatia uraia wa Tanzania sasa napenda niseme wazi na iwekwe Kwenye kumbukumbu sahihi,Tanzania haina mpango wa kubadilisha sera na sheria zake ili kuwajumuisha Wakimbizi Kwenye mipango ya maendeleo ya Taifa ili waweze kujiimarisha na kujitegemea wakiwa hapa nchini na zaidi haina mpango wa kuzigeuza kambi za Wakimbizi kuwa makazi,.” amesema Waziri Simbachawene

Akizungumza wakati wa Mkutano huo,Katibu Mkuu wa Wizara ya Mambo ya Ndani ya Burundi,Richard Ndayisaba amesema wao kama Burundi wako tayari kushirikiana na pande zote ili kuweza kuwapokea wananchi wake wanaoishi nchini Tanzania.

Mwakilishi wa Shirika la Kuhudumia Wakimbizi Duniani(UNHCR) Barbara Dotse akisema UNHCR iko na nia ya dhati kufanya kazi pamoja na wadau wote na kuandaa njia sahihi ya kuwezesha urejeaji wa Wakimbizi hao ikizingatia utu na haki ya Wakimbizi hao.

Mkutano huo pia ulihudhuriwa na Wakuu wa Mikoa Mitatu akiwemo Balozi,Mkuu wa Jeshi la Polisi Mstaafu,Simon Siro,(Kigoma),Mwanamvua Mrindoko(Katavi) na Paul Chacha(Tabora) ambayo inahifadhi Wakimbizi hapa nchini.