UEFA CHAMPIONZ LIGI: JUMATANO CITY KUIBWAGA REAL YENYE RONALDO HUKO BERNABEU?

UEFA CHAMPIONZ LIGI

Nusu Fainali

Mechi za Pili

**Saa 3 Dakika 45 Usiku

**Kwenye Mabano Matokeo Mechi ya Kwanza

Jumanne Mei 3

Bayern Munich v Atletico Madrid [0-1]

Jumatano Mei 4

Real Madrid v Manchester City [0-0]

++++++++++++++++++++++++++

Hii ni Mechi kabambe ambayo inaweza kwenda kokote kufuatia Sare yao ya 0-0 huko Etihad Wiki iliyopita.

Lakini safari hii Real wako kwao Santiago Bernabeu Jijini Madrid na upo uwezekana mkubwa kwa Cristiano Ronaldo kuwemo dimbani baada ya kuikosa Mechi kwanza kutokana na tatizo la Musuli za Mguuni.

 

Wachambuzi wanahisi kama Ronaldo yuko fiti na atacheza basi Real tayari wana mguu mmoja kwenye Fainali huko San Siro Jijini Milan, Italy hapo Mei 28.

 

Kwa Manchester City, hii ni Nusu Fainali yao ya kwanza kucheza wakiwania kwenda Fainali kwa mara ya kabisa kitu ambacho kitakuwa zawadi spesho kwa Meneja wao kutoka Chile Manuel Pellegrini ambae hiyo itakuwa Mechi yake ya mwisho kwani City tayari washamsaini Antonio Conte kutoka Italy kuwa Meneja wao mpya kwa Msimu ujao.

Hali za Timu

 

Real Madrid wamefungwa Mechi 1 tu ya UEFA CHAMPIONZ LIGI Msimu huu nah ii ni ile ya 2-0 walipofungwa na VfL Wolfsburg katika Mechi ya Kwanza ya Robo Fainali lakini katika Marudiano wakajibu 3-0 na Bao zote kupigwa na Ronaldo.

 

Msimu huu kwenye Mashindano haya wameshinda Mechi 8, Sare 2 na Kufungwa 1 huku wakishinda Mechi zao zote 5 walizocheza Santiago Bernabeu.

 

Manchester City wao rekodi yao ya Mashindano haya Msimu huu ni Ushindi 6, Sare 3 na Kufungwa 2 huku Mechi za Ugenini wakishinda 3, Sare 1 na Kufungwa 1.

Hali za Wachezaji

 

Real Madrid:

Cristiano Ronaldo hajawa fiti bado lakini yupo mazoezini na wenzake lakini kwa Karim Benzema upo wasiwasi mkubwa.

 

Manchester City:

Pigo kubwa kwa Manchester City ni kuumia kwa David Silva kwenye Mechi ya Kwanza ya Nusu Fainali hii huko Etihad Wiki iliyopita na ni maumivu ambayo yatamweka nje kwa Wiki 3.

Lakini pia upo wasiwasi wa kucheza Yaya Toure na Samir Nasri wote wakiwa na maumivu.

 

Uso kwa Uso:

Real Madrid hawajafungwa katika Mechi 3 walizocheza na Man City kwa kushinda 3-2 huko Santiago Bernabeu na Sare 2 za 1-1 na 0-0 huko Manchester.

 

VIKOSI VINATARAJIWA KUWA:

 

Real Madrid (Mfumo 4-3-3):

Navas,

Marcelo, Ramos, Pepe, Carvajal,

Casemiro, Modric, Kroos,

Ronaldo, Bale, Benzema.

 

Manchester City (Mfumo 4-2-3-1):

Hart,

Kolarov, Otamendi, Kompany, Zabaleta,

Fernandinho, Fernando,

Sterling, De Bruyne, Navas,

Aguero.

 

REFA: Davir Skomina [Slovenia]

UEFA CHAMPIONZ LIGI

Fainali

Jumamosi Mei 28

**Saa 3 Dakika 45 Usiku