Saturday, November 19, 2016

LEO NI OLD TRAFFORD, MAN UNITED v ARSENAL, WENGER KUMVAA ‘MBABE’ WAKE WA KILA SIKU, MOURINHO!

OKULY BLOG November 19, 2016 MICHEZO

LEO huko Old Trafford Jijini Manchester, upo mtanange unaongojewa kwa hamu na Mashabiki wengi wakati Manchester United wakukumbana na Arsenal katika Mechi ya EPL, Ligi Kuu England.

Mbali ya Mechi hii kukutanisha Vigogo wa EPL, mvuto mwingine mkubwa ni kupambana uso kwa uso kwa Mameneja wa Timu hizo, Arsene Wenger wa Arsenal na Jose Mourinho wa Man United, Mameneja ambao ‘hawapendani’ na washakwaruzana sana wakati Mourinho akiwa na Chelsea.

Lakini hii itakuwa ni mara yao ya kwanza kuvaana tangu Mourinho awe Meneja Mpya wa Manchester United.

Hata hivyo, Juzi Wenger alisema tripu hiyo ya Arsenal huko Old Trafford ni Gemu tu kati ya Klabu mbili na si Mameneja Wawili.

Akiongea na Wanahabari hii hiyo Juzi, Wenger ameeleza: “Sidhani kama napaswa kuelezea uhusiano wetu. Yeye atapigania Timu yake na mimi nitapigania yangu. Hicho ni kitu cha kawaida!”

Aliongeza: “Siweki Gemu hizi kama ni Mashindano kati ya Mameneja Wawili. Najua Watu wanataka kutengeneza uhasama lakini hilo halileti Washabiki. Kitu ambacho kinavuta Washabiki ni Gemu yenyewe na ubora wake. Ni muhimu iwe Gemu ya hali ya juu ili kuijengea sifa Ligi Kuu. Hilo ni juu ya Wachezaji Uwanjani.”

Alipoulizwa kama atapeana mkono na Mourinho, Wenger alijibu huku akitabasamu: “Ni wazi kitu hicho. Naheshimu utamaduni huo kwenye Ligi Kuu.”

++++++++++++++++++++++++

JE WAJUA?

-Mourinho na Wenger washapambana mara 14 kwenye Ligi Kuu England na Wenger hajashinda hata Mechi 1.

-Mourinho, akiwa na Chelsea, ameibuka Mshindi mara 8 na Sare 6.

-Mara pekee kwa Wenger kumbwaga Mourinho ni Agosti 2015 kwenye Mechi ya kugombea Ngao ya Jamii.

Kwenye Mechi hii ya Jumamosi, Man United itamkosa Straika wao Zlatan Ibrahimovic ambae yupo Kifungoni Mechi 1 baada ya Kadi za Njano 5 lakini Wenger amemnyooshea kidole Kinda Marcus Rashford ambae kwenye Mechi ya mwisho kati yao, Mwezi Februari, alifunga Bao 2 wakati Man United inaichapa Arsenal 3-2 na kuing’oa kwenye Reli ya kusaka Ubingwa Msimu uliopita.

Wenger amesema: “Mtu alietuua sisi ni Rashford. Hivyo tusidhanie udhaifu wa Man United! Msimu uliopita tulipoteza Gemu 1 tu ya Ugenini, huko Old Trafford. Na hiyo ilikuwa Gemu muhimu kwetu na tukapoteza mwelekeo!”

JE WAJUA?

-Tangu Ligi Kuu England ianzishwe Msimu wa 1992/3, Arsenal wameshinda mara 3 tu Old Trafford katika Mechi 24.

Baada ya Mechi 11, Liverpool ndio Vinara wakiwa na Pointi 26, Chelsea ni wa Pili wana 25, wakifuata Man City na Arsenal wenye 24 kila mmoja, Tottenham wa 5 wakiwa na 21 na Man United ni wa 6 na wana 18.

Katika Mechi zao za mwisho za EPL kabla hawajapisha Mechi za Kimataifa, Arsenal walitoka 1-1 na Tottenham katika Dabi ya London Kaskazini na Man United kuitandika Swansea 3-1 huko Liberty Stadium, Wales.

VIKOSI VINATARAJIWA KUWA:

MAN UNITED: De Gea, Darmian, Jones. Rojo, Shaw, Herrera, Pogba, Mata, Rooney, Martial, Rashford

ARSENAL: Cech, Jenkinson, Mustafi, Koscielny, Monreal, Coquelin, Xhaka, Ramsey, Ozil, Iwobi, Sanchez

REFA: ANDRE MARRINER

EPL - LIGI KUU ENGLAND

Ratiba:

**Saa za Bongo

Jumamosi Novemba 19

1530 Manchester United v Arsenal FC

1800 Everton FC v Swansea City

Southampton FC v Liverpool

Sunderland v Hull City