MABINGWA YANGA - ZAMA ZAANZA: TIMU ‘MPYA’ MHOLANZI PLUIJM, MZAMBIA LWANDAMINA WATAMBULISHWA RASMI!

MABINGWA wa Soka Tanzania Bara, Yanga, wamewatambulisha rasmi Hans van de Pluijm na George Lwandamina kama Mkurugenzi wa Ufundi na Kocha Mkuu katika Hafla iliyofanyika Makao Makuu ya Yanga, Mitaa ya Jangwani na Twiga Jijini Dar es Salaam.

Mholanzi Hans van de Pluijm, ambae alikuwa Kocha Mkuu, sasa ‘anapanda ghorofani’ na kuwa Mkurugenzi wa Ufundi na Raia wa Zambia George Lwandamina anakuwa Kocha Mkuu.
Lwandamina, ambae alikuwa Kocha wa ZESCO huko kwao Zambia na sasa anamrithi Pluijm, amesema hatabadili Benchi lake la Ufundi na atashirikiana vyema na Pluijm.

Kauli hiyo inamaanisha Wasaidizi wa Lwandamina watabaki kuwa Watu walewale waliokuwa chini ya Pluijm ambao ni Juma Mwambusi, Kocha Msaidizi, Juma Pondamali, Kocha wa Makipa, Hafidh Saleh, Meneja, Daktari Edward Bavu, Jacob Onyango, Mchua Musuli na Mohamed Omar ‘Mpogolo’, kama Msimamiza wa Zana za Kikosi.

Akiongea mara baada ya Hafla hiyo ya Utambulisho, Lwandamina alisema: "Ni changamoto mpya kwangu, naijua Yanga ni Klabu kubwa lakini nitahakikisha natumia kila linalowezekana kuhakikisha tunafanya vizuri katika Ligi na michuano ya Kimataifa.

Lwandamina anategemewa kuanza kazi yake rasmi mara moja kutayarisha Kikosi kwa ajili ya Mzunguko wa Pili VPL ambao utaanza Desemba 17

VPL

Msimamo – Timu za Juu:
1 Simba Mechi 15 Pointi 35
2 Yanga Mechi 15 Pointi 33
3 Azam Mechi 15 Pointi 25
4 Kagera Mechi 15 Pointi 24
5 Mtibwa Mechi 15 Pointi 23

Mzunguko wa Pili

Round 16	17.12.2016(Sat)	121	JKT RUVU		Vs		YOUNG AFRICANS	MAIN NATIONAL STADIUM	DAR ES SALAAM
	17.12.2016(Sat)	122	MBEYA CITY		Vs		KAGERA SUGAR	SOKOINE	MBEYA
	17.12.2016(Sat)	123	NDANDA FC		Vs		SIMBA SC	NANGWANDA	MTWARA
	17.12.2016(Sat)	124	MWADUI FC		Vs		TOTO AFRICAN	MWADUI COMPLEX	SHINYANGA
	17.12.2016(Sat)	125	MBAO FC		Vs		STAND UNITED	CCM KIRUMBA	MWANZA
	17.12.2016(Sat)	126	RUVU SHOOTING		Vs		MTIBWA SUGAR	MABATINI	COAST REGION
	18.12.2016(Sun)	127	AFRICAN LYON		Vs		AZAM FC	KARUME	DAR ES SALAAM
	18.12.2016(Sun)	128	TANZANIA PRISONS		Vs		MAJIMAJI FC	SOKOINE