SERIKALI KUANZISHA MAKAZI YA WAZEE KIKANDA

Waziri wa Nchi Ofisi ya Waziri Mkuu Sera Bunge na Uratibu Mhe. George Simbachawene akizungumza na Wazee wakati wa Maadhimisho ya Siku ya Kimataifa ya Wazee Jijini Dodoma Oktoba 03, 2022.

Waziri wa Maendeleo ya Jamii, Jinsia, Wanawake na Makundi Maalum Mhe. Dkt. Dorothy Gwajima akitoa salaam za Wizara wakati wa Maadhimisho ya Siku ya Kimataifa ya Wazee iliyofanyika Kitaifa Jijini Dodoma Oktoba 03, 2022.

Katibu Mkuu Wizara ya Maendeleo ya Jamii, Jinsia, Wanawake na Makundi Maalum Dkt. Zainab Chaula akieleza mikakati ya Wizara wakati wa Maadhimisho ya Siku ya Kimataifa ya Wazee iliyofanyika Kitaifa Jijini Dodoma Oktoba 03, 2022.

Waziri wa Nchi Ofisi ya Waziri Mkuu, Sera, Bunge, Uratibu Mhe. George Simbachawene akitoa msaada wa vifaa kwa baadhi ya Wazee kwenye Maadhimisho ya Siku ya Kimataifa ya Wazee Jijini Dodoma Oktoba 03, 2022.

Wazee wakiwa katika maandamano wakati wa kilele cha Maadhimisho ya Siku ya Kimataifa ya Wazee yaliyofanyika Kitaifa Jijini Dodoma Oktoba 03, 2022.

Wazee walioshiriki maadhimisho ya siku ya Kimataifa ya Wazee wakifuatilia hotuba ya mgeni rasmi Waziri wa Nchi Ofisi ya Waziri Mkuu Sera Bunge na Uratibu Mhe. George Simbachawene katika Maadhimisho yaliyofanyika Kitaifa Jijini Dodoma Oktoba 03, 2022.

Wazee wakiwa katika maandamano wakati wa kilele cha Maadhimisho ya Siku ya Kimataifa ya Wazee yaliyofanyika Kitaifa Jijini Dodoma Oktoba 03, 2022.

Wazee walioshiriki maadhimisho ya siku ya Kimataifa ya Wazee wakifuatilia hotuba ya mgeni rasmi Waziri wa Nchi Ofisi ya Waziri Mkuu Sera Bunge na Uratibu Mhe. George Simbachawene katika Maadhimisho yaliyofanyika Kitaifa Jijini Dodoma Oktoba 03, 2022.

Na Okuly Julius-Dodoma 

Katika kuboresha huduma kwa Wazee,Serikali ina mpango wa kuanzisha Makazi ya Wazee Kikanda na kutoa elimu kwa jamii ili familia ziweze kuwalea Wazee wao na wale wachache watakao kosa huduma katika familia kupata matunzo katika makazi hayo.

Vilevile Serikali iko katika mchakato wa kuanzisha miradi katika Makazi ya Wazee ili makazi hayo

yaweze kujiendesha na kupunguza utegemezi kwa Serikali.

Akizungumza leo Oktoba 3,2022 Jijini Dodoma kwa niaba ya Waziri Mkuu wa Jamhuri ya Muungano wa Tanzania wakati wa kilele cha Maadhimisho ya Siku ya Wazee Duniani Waziri wa Nchi Ofisi ya Waziri Mkuu Sera Bunge na Uratibu Mhe George Simbachawene amesema kuwa Wadau wote nchini waunge mkono jitihada za Serikali kutokomeza vitendo vyote vya ukatili, kwa kuhakikisha kuwa kwa pamoja wanawezesha kutekelezwa kwa mikakati yenye lengo la kutokomeza Ukatili dhidi ya makundi yote ikiwemo Wazee,Wanawake na Watoto.

Mhe.Simbachawene amesema kuwa Serikali inafanya kila jitihada kuhakikisha masuala ya Wazee yanapewa kipaumbele na pale kunapotokea changamoto zinashughulikiwa. Moja ya maeneo

tunayoyapa kipaumbele ni huduma za Afya kwa Wazee Ili kuhakikisha hili, Serikali imeweza kuwatambua Wazee, kuwasajili na kuwapa vitambulisho vya msamaha wa matibabu na Bima za

Afya zilizoboreshwa.

Ambapo jumla ya Wazee 1,547,038 walitambuliwa katika Mikoa 26 kati yao Wazee 937,266 sawa na asilimia 60.6wamepatiwa Vitambulisho/Bima za Afya kwa ajili ya matibabu.

"Jambo hili ni la msingi sana kwani Mzee akiwa na afya njema inamuwezesha kushiriki kikamilifu katika shughuli za kimaendeleo na za kijamii,"Amesema Simbachawene

Simbachawene ameongeza kuwa jumla ya Mabaraza 20,749 yameanzishwa nchini kote. Lengo la Mabaraza haya ni kuwapa fursa Wazee kukutana na kujadili mambo yao, lakini pia kutumika kama chombo cha ushauri katika jamii.

"Nimefurahi kusikia kwamba, miongoni mwetu leo mpo viongozi wa Mabaraza haya pamoja na wawakilishi wa Wazee toka Mikoa yote Nchini hii itasaidia kufikisha ujumbe huu kwa wazee,"Simbachawene

Kwa upande wake Waziri wa Maendeleo ya Jamii, Jinsia, Wanawake na Makundi Maalum Dkt Dorothy Gwajima amesema serikali imeamua kutatua kero za wazee kupitia mabaraza yao.

Nae Mwenyekiti wa kamati ya kudumu ya bunge ya humuma na maendeleo ya jamii Stanslaus Nyongo amesema bunge lipo tayari kujadili sera ya wazee ili itunguiwe sheria.

Awali Mkuu wa Mkoa wa Dodoma Rosemary Senyamule amesema Mkoa wa Dodoma una madirisha ya kuhudumia wazee katika vituo vya afya 357 huku zoezi la kuwapatia vitambulisho likiendelea.

Akizungumza katika Maadhimisho hayo Naibu Katibu Mkuu Ofisi ya Rais TAMISEMI Dkt. Grace Magembe amebainisha kuwa, TAMISEMI imeendelea na zoezi la kuwatambua wazee na hadi sasa imetambua 2117637 kutoka Mikoa yote 26 bapo wanaume ni 1382468 na wanawake 735169.

 

"Tumetoa Bima ya Afya ya Jamii kwa Wazee ili wapate huduma kwenye vituo vya Afya ngazi ya msingi kuanzia zahanati Hadi hospitali za Wilaya" amesema Dkt. Grace.

 

Dkt. Grace ameongeza kuwa, katika kukabiliana na changamoto ya Maafisa Ustawi wa Jamii, kibali limetolewa cha kuajiri Maafisa hao 65 ambao wamepangwa kwenye vituo vya kutolea huduma za afya ili wakatekeleze sera ya Mzee kwanza.

Akizungumza kwa niaba ya wazee wote hapa nchini Mwenyekiti wa Baraza la Wazee taifa Mzee Lameck Sendo ameiomba serikali kuchukua hatua kali za kisheria katika kuwalinda dhidi ya ukatili na unyanyasaji wanaofanyiwa ndani ya jamii ili mchango wao katika taifa uzidi kuthaminiwa.

Katika maadhimisho hayo Wazee wamewakilishwa na Wazee 3000 kutoka maeneo mbalimbali nchi nzima katika siku hii iliyokuwa inabebwa na kauli mbiu isemayo "Ustahimilivu na mchango wa Wazee ni muhimu kwa Maendeleo ya Taifa”