 |
| Naibu Waziri wa Fedha, Mhe. Mhandisi Mshamu Ali Munde (Mb), akimtunuku mhitimu wa ngazi ya Shahada ya Uzamili ya Maendeleo ya Jamii, Bi. Salome Njau, katika mahafali ya 39 ya Chuo cha Mipango ya Maendeleo Vijijini, Duru ya Kwanza, Kampasi Kuu – Dodoma. |
 |
| Naibu Waziri wa Fedha, Mhe. Mhandisi Mshamu Ali Munde (Mb), akiongoza Maandamano ya Kitaaluma, wakati wa Mahafali ya 39 ya Chuo Cha Mipango ya Maendeleo Vijijini (IRDP), Duru ya Kwanza, Kampasi Kuu Dodoma, ambapo Mhe. Mhandisi Munde, alikuwa Mgeni Rasmi, kwa niaba ya Waziri wa Fedha, Mhe. Balozi Mussa Khamis Omar (Mb). |
 |
| Naibu Waziri wa Fedha, Mhe. Mhandisi Mshamu Ali Munde (Mb), akizungumza na wahitimu na washiriki wa Mahafali ya 39 ya Chuo Cha Mipango ya Maendeleo Vijijini (IRDP) jijini Dodoma, (hawapo pichani), kwa niaba ya Waziri wa Fedha, Mhe. Balozi Mussa Khamis Omar (Mb). |
 |
| Naibu Waziri wa Fedha, Mhe. Mhandisi Mshamu Ali Munde (Mb), akiteta jambo na Mkuu wa Chuo Cha Mipango ya Maendeleo Vijijini (IRDP), Profesa. Hozen Mayaya, wakati wa Mahafali ya 39 ya Chuo Cha Mipango ya Maendeleo Vijijini (IRDP) Jijini Dodoma, ambapo Mhe. Mhandisi Munde, alikuwa Mgeni Rasmi, kwa niaba ya Waziri wa Fedha, Mhe. Balozi Mussa Khamis Omar (Mb). |
 |
| Makamu Mwenyekiti wa Baraza la Uongozi wa Chuo Cha Mipango ya Maendeleo Vijijini (IRDP), CPA. Dkt. Samwel Werema, akizungumza na wahitimu kabla ya kumkaribisha mgeni rasmi kwa ajili ya kutunuku shahada mbalimbali, katika mahafali ya 39 ya Chuo cha Mipango ya Maendeleo Vijijini, Duru ya Kwanza, Kampasi Kuu – Dodoma. |
 |
| Baadhi ya Wahitimu katika wa Chuo Cha Mipango ya Maendeleo Vijijini (IRDP) jijini Dodoma, wakimsikiliza Naibu Waziri wa Fedha, Mhe. Mhandisi Mshamu Ali Munde (Mb), (hayupo pichani), wakati akizungumza kwa niaba ya Waziri wa Fedha, Mhe. Balozi Mussa Khamis Omar (Mb), wakati wa Mahafali ya 39 ya Chuo hicho, jijini Dodoma. |
 |
| Naibu Waziri wa Fedha, Mhe. Mhandisi Mshamu Ali Munde (Mb), akiwatunuku wahitimu wa ngazi mbalimbali wa Chuo Cha Mipango ya Maendeleo Vijijini (IRDP) jijini Dodoma, (hawapo pichani), kwa niaba ya Waziri wa Fedha, Mhe. Balozi Mussa Khamis Omar (Mb). |
 |
| Baadhi ya wahitimu wakivaa kofia baada ya kutunukiwa ngazi mbalimbali za cheti katika mahafali ya 39 ya Chuo cha Mipango ya Maendeleo Vijijini, Duru ya Kwanza, Kampasi Kuu – Dodoma. |
 |
| Picha za matukio mbalimbali za Mahafali ya 39 ya Chuo Cha Mipango ya Maendeleo Vijijini (IRDP) jijini Dodoma. (Picha na Kitengo Cha Mawasiliano Serikalini, WF, Dodoma) |
Hayo yalibainishwa jijini Dodoma, na Naibu Waziri wa Fedha Mhe. Mhandisi Mshamu Ali Munde (Mb), ambaye alimwakilisha Waziri wa Fedha, Mhe. Balozi Khamis Mussa Omar (Mb), katika Mahafali ya 39 ya Chuo cha Mipango ya Maendeleo Vijijini, Duru ya Kwanza, Kampasi Kuu – Dodoma.
Mhe. Munde alisema kuwa hadi sasa zaidi ya shilingi bilioni 130 zimetolewa kupitia mikopo ya asilimia 10 ya Halmashauri kwa ajili ya miradi ya ujasiriamali kama alivyoeleza Mhe. Rais Dkt. Samia Suluhu Hassan akizindua Bunge la 13 Novemba 2025, ambapo alisisitiza kuwa fedha hizo ni mikopo inayopaswa kurejeshwa kwa tija.
‘‘Ili kuipata mikopo hii ni lazima walengwa kujiunga kwenye vikundi vya ujasiriamali na ubunifu na kuviandikisha kwenye ofisi za Halmashauri wanazoishi ili kuweza kunufaika na fedha hizo ambapo jumla ya shilingi bilioni 130 zimetolewa tangu kurejeshwa kwa mkopo huu,‘’alisema Mhe. Munde.
Alisema Sheria ya Ununuzi wa Umma imeelekeza taasisi zote za umma kutenga asilimia 30 ya manunuzi yote kwa ajili ya makundi maalumu wakiwemo vijana ili kuongeza ushiriki wao katika uchumi wa Taifa, kukuza ujasiriamali na kupunguza ukosefu wa ajira.
Aidha, Serikali imeanzisha madirisha maalumu ya uwekezaji kwa vijana, kwa kushirikiana na sekta binafsi kwa ajili ya kuwawezesha vijana kupata mikopo nafuu, mitaji ya uwekezaji, mafunzo ya ujasiriamali na usimamizi wa fedha, ushauri wa kitaalamu na huduma za kukuza biashara.
Mhe. Munde alisema kwa upande wa elimu ya juu, bajeti ya mikopo imeongezwa hadi shilingi bilioni 916.7 mwaka 2025/26, ikilinganishwa na shilingi bilioni 787.4 zilizotengwa mwaka wa fedha 2024/25 ambapo mwaka jana 2024/25 walikuwa wanufaika 250,000 na mwaka huu 2025/26 wanufaika wanatarajiwa kufikia 252,773 ikiwa ni ongezeko la wanufaika 2,773.
‘‘Serikali imeendelea kutoa mikopo ya elimu ya juu kupitia Samia Scholarship ili kuhamasisha vijana wa kike kusoma masomo ya sayansi kwa kutoa mkopo wa asilimia 100 kwa kozi za fani za Teknolojia, Uhandisi, Hisabati na Tiba na kwa mwaka wa masomo 2025/26 wanafunzi 2,630 watanufaika na kufikia ongezeko la asilimia 27 katika kipindi cha miaka miwili,’’ alifafanua Mhe. Munde.
Aliongeza kuwa Mheshimiwa Rais aliondoa vikwazo vinavyowakabili vijana wa kike katika kutimiza ndoto zao za kielimu kwa kutoa fursa ya vijana wa kike waliokatiza masomo ya elimu ya sekondari kwa sababu mbalimbali, kurudi shuleni kuendelea na masomo ambapo zaidi ya wasichana 22,844 nchini kote wamerejea darasani.
Aidha, Mhe. Munde alisema kuwa kwa kuzingatia kuwa Sekta ya kilimo inachangia asilimia 26.7 ya Pato la Taifa huku ikitoa ajira asilimia 58 ya vijana, Serikali imeendelea kuhamasisha na kuimarisha ushiriki wa vijana na wanawake katika kilimo kupitia Programu ya Jenga Kesho iliyo Bora ili kukifanya kilimo kuwa cha kibiashara kwa mazao ya kimkakati.
Akizungumza na wahitimu Mhe. Munde aliwaeleza wahitimu hao kuwa jamii ina mategemeo makubwa kwao ikitarajia kuwa elimu waliyoipata itawawezesha kupata ujuzi stahiki wa kuweza kuchangia kuongeza umahiri katika upangaji wa mipango ya sekta mbalimbali hapa nchini na hivyo kutoa mchango mkubwa katika kuliwezesha Taifa kufikia lengo la Dira 2050.
Pia Mhe. Munde alipongeza Baraza la Uongozi wa Chuo kwa uongozi mahiri ambao umeendelea kukipa Chuo mafanikio mengi na kuwa Serikali kwa upande wake itaendelea kukiwezesha Chuo kibajeti ili kiweze kuwa na miundombinu na rasilimali watu inayokidhi mahitaji ya utoaji wa elimu kwa viwango bora.
Kwa upande wake Makamu Mwenyekiti wa Baraza la Uongozi wa Chuo cha Mipango ya Maendeleo Vijijini, CPA Dkt. Samwel Werema, aliishukuru Serikali kwa kuendelea kutekeleza miradi ya kimkakati hivyo kuwezesha Chuo kuendelea kuboresha mazingira ya kujifunzia na kufundishia hususani katika miundombinu na vitendea kazi, kuongezeka kwa watumishi, kusomesha watumishi pamoja na kuimarisha ushirikiano wa kitaifa na kimataifa.
Alisitiza kuwa Baraza la Uongozi wa Chuo litaendelea kutekeleza majukumu yake kwa weledi, uadilifu na uwajibikaji wa hali ya juu kwa kuzingatia sheria, kanuni na miongozo katika usimamizi wa taasisi za umma ili kuhakikisha Chuo kinaendelea kutoa elimu bora, kukuza ubunifu na kuhakikisha huduma zenye tija kwa jamii.
Dkt. Werema aliwakaribisha wadau wote kutumia huduma mbalimbali zinazotolewa na Chuo ikiwemo tafiti, ushauri elekezi, mafunzo maalum na ushirikiano katika miradi ya maendeleo ili kujenga Tanzania yenye uchumi imara na maendeleo jumuishi.
Naye Mkuu wa Chuo cha Mipango ya Maendeleo Vijijini Profesa Hozen Mayaya alisema kuwa Chuo kilifanikiwa kuandaa mitaala mipya kumi (10) ambayo iliidhinishwa na Baraza la Taifa la Elimu ya Ufundi na Mafunzo ya Ufundi Stadi (NACTVET) na kufanya marejeo ya mitaala kumi na tano (15) ambayo imeanza kutumika katika mwaka wa masomo 2025/26.
‘‘Lengo la uhuishaji wa mitaala hii na uanzishwaji wa mitaala mipya ni kujibu mahitaji ya soko la ajira ili kuwa na wahitimu wabunifu, wenye stadi za msingi za kujiajiri na kuajiriwa kwenye soko la ajira la ndani na la kimataifa pamoja na kuzingatia masuala muhimu yaliyopo katika jamii ikiwemo mabadiliko ya tabia nchi, matumizi ya mifumo ya kidijiti, na ujasiriamali’’, alifafanua Profesa Mayaya.
Aliongeza kuwa kupitia Kituo cha Ujasiriamali na Ubunifu kinacholea vipaji vya ubunifu na ujasiriamali kwa wanafunzi, kimewezesha baadhi ya wahitimu kuwa wajasiriamali wazuri, wabunifu na wengine kuwa wachezaji hodari wa michezo mbalimbali.
Jumla ya wahitimu 5,721 wakiwemo wanawake 3127 na wanaume 2594 wamehitimu mafunzo yao na kutunukiwa shahada za awali, stashahada na astashahada katika programu 40 kwenye mahafali ya 39 ya Chuo Kikuu cha Mipango Kampasi ya Dodoma.
No comments:
Post a Comment